Американската компанија за онлајн игри Golden Matrix Group (GMGI) потпиша договор за купување на водечката групација за спортско обложување и казино игри во Југоисточна Европа, MeridianBet Group со седиште во Малта, за 300 милиони долари (277 милиони евра).
Договорот е предмет на регулаторно одобрување, но според соопштението, од компанијата GMGI очекуваат целиот процес да биде завршен во првата половина на 2023 година. Ова ќе и овозможи на GMGI пристап до нови и брзорастечки регулирани пазари кои имаат двоцифрени годишни стапки на раст од 2020 година.
„Во синергија со GMGI, очекуваме да поставиме индустриски стандард кога станува збор за гејмерските платформи ширум светот и да бидеме во уште подобра позиција да ја реализираме нашата агресивна стратегија за раст, како и да се прошириме на нови пазари“, рече извршниот директор на MeridianBet Зоран Милошевиќ.
Се очекува MeridianBet да го задржи своето име и структурата на одборот по купувањето, а комбинираните приходи на двете компании се очекува да надминат 100 милиони долари во финансиската 2022 година.
Основана во 2001 година, Meridian Bet ги нуди своите производи и услуги во 18 земји, вклучувајќи ги Србија, Црна Гора и Босна и Херцеговина. MeridianBet Group имаше над 38% раст на приходите на годишно ниво во фискалната 2022 година во однос на 2021 година, се вели во соопштението
Golden Matrix, со седиште во Лас Вегас, развива и лиценцира комерцијални платформи за игри за својата широка листа на клиенти и управува со веб-страница за е-трговија.
Be the first to comment